Bilatzailea
Teknologia
#68 UHIN ULTRAMOREAK: Frankenstein, Barbie eta kriptobroak
Garai bakoitzak du bere Frankenstein doktorea, eta 2018an He Jiankui genetikariari eman zioten izen hori, hark ingeniaritza genetiko bidez eraldatu zituen bi haur jaio zirenean. Enbrioien eraldaketa genetikoa debekatuta dagoenez, kartzelan sartu zuten. Ateratakoan teknika genetiko horiek bultzatzen duen enpresari batekin ezkondu zen: Cathy Tie edo Biotech Barbie. Handik gutxira banandu ziren, baina helburuetako bat bete zuten: inbertsioak erakartzea. Zertarako, eta diseinuzko haurrak sortzeko teknologia garatzeko. Eta norentzat, kriptobro edo tekno-jauntxoentzat. Hauen helburua, beren neurriko seme-alabak sortzea da, artifizialki. "Uhin ultramoreak" podcastaren atal honetan, beraz, Frankenstein, Barbie eta neurrira diseinatutako haurrak aipatu ditugu. Bestalde, egia ote da mugikorra busti bazaizu onena arrozetan jartzea dela?
GUAU plataforman duzu entzungai Elhuyarrek EITB mediarentzat egindako podcast hau.
Miren Berasategi Zeberio, komunikazioaz eta teknologiaz
Miren Berasategi Zeberio ikertzailea eta irakaslea da Deustoko Unibertsitatean eta UEUn, eta honako gaien inguruan aritzen da, batik bat: digitalizazioaren eragina komunikazio-prozesuetan eta komunikazioan aritzen diren pertsonen artean matematikarekiko zein teknologiarekiko antsietateak suposatzen duten erronka.
Elhuyarreko Ana Galarraga Aiestaranek gidatu zuen solasaldia, Emakume zientzilarien argitan zikloaren barruan. Zikloaren helburua euskal emakume zientzialariak ezagutaraztea da, eta Donostia Kulturak eta Elhuyarrek antolatzen dute, elkarlanean.
Mundua mugitzen duen elektronikaren fidagarritasuna
Elektrifikazio modernoaren munduan motorrez edo energia berriztagarriez hitz egiten dugu, baina badago elektronika isil bat energia hori guztia modu eraginkorrean kontrolatzea eta erabiltzea ahalbidetzen duena. Sistema horien barruan, potentzia-moduluek esfortzu elektriko eta termiko handiak jasaten dituzte etengabe. Normalean bigarren plano batean gelditzen den arren, haien fidagarritasuna funtsezkoa da ibilgailu elektrikoen, trenen, parke eolikoen edo sare elektriko adimendunen funtzionamendu segurua bermatzeko.
Turismoak eragindako karbono-isuriek gora egin dute azken hamarkadan
Biodibertsitatea
Megakonstelazioak ez, megaontzidiak
Teknologia
Aldi berean bi elkarrizketa entzuteko gaitasuna dugu
Komunikazioa
