Norteko ferrokarrilla

Virginia Garcia Pena eta Kristina Zuza astronomoak izan dira gurekin, eta abuztuan izango den eklipseari buruz hitz egin dugu, luze eta lasai. Biek dute lotura Aranzadirekin, eta biek dute eskarmentu handia gertakari astronomikoak behatzen. 

Josu Lopez Gazpio UEUko kimikariak kriminalistikako azken atala ekarri digu. 1979an Iowan Michelle Martinko erail zuten labankada askorekin. Kasuaren azalpena eman dugu, DNAren analisia aipatuta, eta gainbegirada bat egin diogu kriminalistikan erabiltzen den zientziari.

Astrozitoak ikertzen ditu Maite Solas Zubiaurre Nafarroako Unibertsitateko ikertzaileak. Astrozitoak ez dira neuronak. Garuneko zelulak dira, baina beste mota batekoak; hain zuzen ere, glukosa metatzeko ahalmena duten zelulak. Solasen ustez, alzheimerrean inplikatuta egon daitezke astrozitoak, eta hipotesi hori ikertzeko beka handi bat jaso du Pasqual Maragall Fundaziotik. Hipotesia da alzheimerrean glukosaren metabolismoak eragiten duela desoreka.

Ana Miño López matematikariak EHUn egiten du lan leuzemia duten umeen kasuekin. Eredu matematikoak garatzen ari dira ahal dela umeak ez daitezen birgaixotu tratamendua jaso ondorren. 

Zenbateraino ezagutu dezakegu errealitatea? Txoni Matxain EHUko kimikari kuantikoarekin izan dugu elkarrizketa filosofiko hori, kuantikaren tresnen eskaintzen diguten informaziotik abiatuta.