Bilatzailea
Oinarrizkoak
Nanopartikulak erabiliz, neuronak aktibatzea lortzen dugu
Garunean neuronak aktibatzeko edo desaktibatzeko ahalmena emango duen proiektu bat garatzen ari dira Donostia International Physics Centerreko ikertzaileak. Garunean eragitearen aukeraz hitz egin du Aitzol Garcíak, baina baita neuroeskubideez eta teknologia berriari ezarri beharreko mugez ere.
Chanel Bost perfumeak gorotzaren molekulak ditu
Badakizu Chanel Bost perfumeak gorotzaren molekulak dituela? Eskatola, indola eta familia horretako molekulak ohikoak dira lurringintzaren industrian. Eta arrazoia da oso ezaugarri bereziak dituztela, besteak beste, kontzentrazioaren arabera, usain bat edo beste dutela. Eta horrez gain, usain ona duten beste molekula batzuk finkatzeko bailo dute. Kimikaren magia. Oso kontu ezaguna da perfumeen industriaren munduan. Perfume berriak dieinatzeko garaian, kontuan hartzen da. Hala eta guztiz ere, diseinuaren esparruak beste trikimailu batzuk ere erabiltzen ditu, gaur egun.
Dadoetara jolasten ari da denbora
Jaiotzen garen unetik, erlojuaren tik-tak hotsak zehazten du gure bizitza. Denboran zeharreko bidaia horretan, argi dago iragana eta etorkizuna erabat desberdinak direla, soilik lehenaldia oroitzen baitugu, eta ez baitakigu gerora zer etorriko den. Hori guztiok dakigun arren, zientziaren ikuspuntutik ez da hain erraza azaltzea zergatik doan denbora beti iraganetik etorkizuneranzko noranzkoan[1]. Bada, horren arrazoia probabilitatea baizik ez da: denbora unibertsoko materia guztiarekin zorizko jokoetara jolasten ari da, guztiok dadoak izango bagina bezala.
