Ekosfera

Ainara Artetxe eta Lur Epelde Neikerreko ikertzaileak martxan jartzen ari dira LURNET, lurozruaren ezaugarriak eta kalitatea ikertzeko proiektua. Dagoeneko emaitzak badituzte, lurzoruko mikrobioen dibertsitateari eta kutsatzaileei buruzkoak (oraingoz emaitza onak), baina oraindik proiektuaren metodologiarekin ari dira lanean.

Koldo Ostolaza (Laulagun Bearings) eta Mireia Olave (Ikerlan) ingeniariak izan dira gurekin. Itsasoan offshore instalatzen diren aerosorgailu eolikoei buruz hitz egin dugu. Haiek kudeatzeko zailtasunak daude eta garestia da, eta beraz, Laulagunek eta Ikerlaek biki digital bat sortu dute ahal diren arazo guztiak simulazio digitalaren bidez iker daitezen.

Bizidunen komunikazioaren munduan, arrainak. Harrigarria bada ere, arrain asko soinuen bitartez komunikatzen dira. Irati Diez Virto dibulgatzaileak kontatu digu nola eta zertarako. Solasaldian, Maddi Astigarraga Bergara ilustratzailea ere izan da, eta bien artean egindako "Nola egiten dute lo animaliek?" liburua aurkeztu dugu. Umeentzat sortu dute natura-liburu hau, irratirako sortutako testuekin eta ilustrazioekin.  

Enrike Sosola eta Haizpea Izagirre Balda baserritarrak eta okinak dira. Nekazaritza ekologikoaren eredua jarraitzen dute, eta, gainera, gari-mota ezberdinak berreskuratzeko ahalegina egiten dute, horrek suposatzen duen guztiarekin. Haiekin hitz egin dugu ohikoak ez diren barietateak haztearen zailtasunei buruz aritu gara.

Tknika zentroko Gaizka Lazarobaster irakaslearekin izan gara aurtengo Euskelec lasterketaz hitz egiten. Lanbide heziketako ikasleek garatutako auto elektrikoen lasterketa da. Ohi bezala, aurtengo edizioaren lasterketa Gasteizen izan da, Andra Maria Zuriaren plazan, asteburu oso batean.