Plazeboen eragina
2002/02/01 Elhuyar Zientzia Iturria: Elhuyar aldizkaria
Berezko eraginkortasunik gabeko substantziak izanik ere, plazeboek hainbat kasutan gaixoari onura ekartzen diotela onartzen da. Hala ere, zientzialariek oraindik ez dakite nola eta zergatik den.
Orain, Kaliforniako Unibertsitateko psikiatra-talde batek depresioak jotako 51 pazienteren garun-jarduera aztertu du. Pazienteak jakitun ez ziren arren, batzuei depresioaren aurkako sendagaiak eman zizkieten bitartean, besteek plazeboa hartu zuten. Bederatzi asteren buruan, lehenengo taldeko % 38k eta bigarren taldeko % 53k hobekuntza nabaritu zuela adierazi zuen.
Elektroentzefalogramen bidez pazienteen garun-jarduera aztertzean, ordea, sekulako ezustea jaso zuten: plazeboei esker hobeto sentitzen zirela ziotenek lehen baino jarduera gutxiago zuten kortex prefrontalean; hau da, botiken bidez sendatutakoek bezalako ondorioak azaltzen zituzten. Dirudien bezala plazeboen eragina froga badaiteke, ikerketarako bide berriak irekiko dira.
Gai honi buruzko eduki gehiago
Elhuyarrek garatutako teknologia
