Elhuyar zientziaren komunikazioa

Mars Climate Orbiter Marten erori

1999/10/01 Elhuyar Zientzia Iturria: Elhuyar aldizkaria

1998ko abenduan, Mars Climate Orbiter zunda espazioratu zen Marteren klima aztertzeko asmoz. Bederatzi hilabete geroago, irailaren 23an Marteren orbitan sartzeko maniobrak hasi zituen. Plangintzak eskatzen zuen bezala, motor nagusia piztu zen planetaren atzean izkutatu baino bost minutu lehenago. Orduan Lurrarekin kontaktua galdu zen. Planetaren atzealdetik atera behar zuenean ez zen, ordea, komunikazioa berreskuratu.

Orbiter-a hurbiltze-altuera teorikoan baino askoz txikiagoan zegoela aitortu dute kontroladoreek. Ondorioz, zunda Marteren azalera erori dela uste dute. Ez da zunda bat galtzen den lehenengo aldia planeta gorria aztertzeko proiektuetan. 1993an galdu zen Mars Observer-a. NASAko zientzialariek aurrera jarraituko dute Mars Surveyor Program-arekin plan aldaketarik egin gabe.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia