Hegaztien eta dinosauroen arteko harremana fosil batean

Hegaztien eta dinosauroen arteko erlazioa argitzen lagun dezakeen fosil bat aurkeztu berri dute Wyoming Dinosaur Center-eko paleontologoek. Oraindik ez dago argi hegaztiek dinosauroetatik eboluzionatu zuten edo ez, baina fosil berriak --troodontido dinosauroarenak-- pixka bat argitu du bidea, behintzat. Orain arte ezagutzen zen hegazti-fosil zaharrena hegaztien ustezko arbasoak baino zaharragoa da. Aurkeztu berri duten troodontido dinosauroa, berriz, hegazti zaharrenaren garaikidea da, gutxienez.