Otsoaren etorkizuna mahai gainean

2020tik ezin da otsorik ehizatu Euskal Autonomia Erkidegoan. Urte horretan sartu zuen Eusko Jaurlaritzak espezie hori Espezie Mehatxatuen katalogoan, baina egoera une batetik bestera aldatu daiteke. Alde batetik, Europan babesa galtzen ari da eta, bestetik, Jaurlaritzak eta Foru Aldundiek landu duten otsoaren kudeaketa-plana laster sartu daiteke indarrean. Otsoaren etorkizunaren inguruko eztabaida mahai gainean dago berriro ere.