}

Informazio-iturria arrantzatuta

2009/09/22 Lakar Iraizoz, Oihane - Elhuyar Zientzia

Gaur jakinarazi dute AZTI-Tecnaliatik abuztuan harrapatu zutela urtebete lehenago markatu eta askatu zuten atungorri bat. Atungorriari marka elektroniko bat jarri zioten, eta, horri esker, orain jakin ahal izan dute nondik nora joan den animalia, zer sakoneratan ibili den eta abar. Kasu honetan, Azoreak eta Portugal artean ibili da azkeneko urtean atungorria, 15 zentimetro luzatu da eta orduan baino 8,8 kilo gehiago ditu.

Aurrez markatutako arrainak eskuratzeak aukera ematen du arrain-espezie horien jokabidea eta eskakizunak ezagutzeko. Markatzeko eta markatutakoak harrapatzeko, hainbat laketontziren eta arrantzaleren laguntza izan dute AZTI-Tecnalian —orain arte, 123 ontzi izan dituzte lankide—.

Irudia: AZTI-Tecnalia

Gai honi buruzko eduki gehiago

Elhuyarrek garatutako teknologia