Elhuyar zientziaren komunikazioa

Grafenozko elektrodo malguak eta gardenak

2009/01/16 Kortabitarte Egiguren, Irati - Elhuyar Zientzia

Koreako Sungkyunkwan Unibertsitateko ikertzaileek grafenozko elektrodo malguak eta gardenak garatu dituzte. Horretarako, grafeno-geruza fin bat txertatu dute bi polimeroren gainean, eta elektrodo-itxura eman diote. Polimero horiek gardenak dira. Bata, polietilentereftalatoa (PET), kurbatu egin daiteke, eta bestea, polidimetilsiloxanoa (PDMS), elastikoa da. Hortaz, sortzen den geruza eroale elektriko aproposa da.

Kalitateko grafenoa eskala handian ekoiztea ez da lan erraza. Koreako ikertzaileek erdieroaleen industrian ezaguna den teknika bat erabili dute, lurrun-deposizio kimikoa, hain zuzen ere. Teknika horretan, substratu bat hainbat konposatu kimikorekin nahasten da oso tenperatura altuetan. Konposatu kimiko horiek gainazaleko elementuekin erreakzionatzen dute, eta, hala, nahi den produktuaren geruza fin bat lortzen da. Kasu honetan, atomo gutxi batzuetako lodiera eta zenbait zentimetroko zabalera duten grafenozko geruza finak lortu dituzte.

Besteak beste, material aproposa da display eramangarrietan erabiltzeko. Esaterako, indio-titanio oxidoa ordezka dezake (indio-titanio oxidoa garestia da, eta ez da malgua). Halaber, grafenozko elektrodo horiek zelula fotovoltaikoetan erabiltzeko aukera aztertzen dihardu ikertzaile-taldeak.

Irudia: J. H. Kong

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia