Elhuyar zientziaren komunikazioa

Emakume europarren erdiei berandu diagnostikatzen zaie GIBa

2019/12/03 Galarraga Aiestaran, Ana - Elhuyar Zientzia Iturria: Elhuyar aldizkaria

emakume-europarren-erdiei-berandu-diagnostikatzen-
Arg. Mircea Iancu

Europako emakume askori berandu diagnostikatzen zaie GIBa, hau da, dagoeneko immunitate-sistema kale egiten hasten denean. Hori nabarmendu du Gaitzen Prebentzio eta Kontrolerako Europako Zentroak (ECDC), 2018ko datuetan oinarrituta.  Gainera, diagnostiko berantiarra jasotzeko arriskua hiruzpalau aldiz handiagoa da 40 urte inguruko emakumeen artean, gazteagoen artean baino.

ECDCren arabera, emakumeak infektatu berrien herena dira; horrenbestez, arreta handiagoa jarri behar zaiela adierazi du. Ia guztiak sexu-harreman heterosexualen bidez kutsatu dira (€ 92), eta kasuen % 54an diagnostiko berantiarra jaso dute. Diagnostiko berantiarren ehunekoa are handiagoa da 30-49 urte bitartekoetan: %60; ECDCren esanean, horrek erakusten du helduak ez direla behar adina jabetzen GIBaren eta sexu bidezko gaitzen arriskuez.

Gizonetan, diagnostikoa ez da hain berantiarra izaten. Horregatik, auzia genero-ikuspegitik landu behar dela ohartarazi dute ECDCko ordezkariek, eta gogorarazi dute, diagnostikoa zenbat eta goiztiarragoa izan, orduan eta aukera handiagoa duela infektatutako pertsonak tratamendua jasotzen hasteko, transmisioa mozteko eta osasun ona izateko.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia