Immunoterapia, urrats berria minbiziaren sendabidean

Immunoterapia izugarrizko iraultza izan da minbiziaren tratamenduan, baina emaitza onak izan arren, ez du kasu guztietarako balio. Biobizkaiako immunoterapia ikerketa-taldeak NK zeluletan oinarrituta dagoen alternatiba bat garatu du eta entsegu klinikoetara pasatzear dago. Bestalde, CIC Biogunen, antigorputzetan oinarritutako tratamendua ikertzen ari dira, bularreko minbizi metastasiko mota baten aurka.