Elhuyar zientziaren komunikazioa

Birus batekin egindako litio-ioizko bateriak

2009/04/08 Kortabitarte Egiguren, Irati - Elhuyar Zientzia

Biomolekulekin bateria bat egiteko teknologia garatu dute. Birus bat erabilita, litio-ioizko bateriak ekoitzi dituzte MITeko ikertzaileek. Ikertzaileek M13 birusa genetikoki eraldatu dute, eroale onak diren elektrodoak “eraikitzen” lagundu dezan. Horretarako, birusaren gainazalean burdin fosfato amorfoa hazteko eraldatu dute birusa. Material hori, berez, ez da eroale ona. Dena den, baterietarako material egokia da nanoeskalan maneiatzen denean. Birusaren muturrak karbonozko nanohodiekin lotzeko modukoak izan daitezen diseinatu dituzte. Izan ere, baterien artean elektrizitatea hobeto garraiatzen laguntzen du sare-egitura horrek.

Merkatuko litio-ioizko baterien antzeko errendimendua du bateria horrek, eta gutxienez 100 aldiz kargatu eta deskargatu daiteke, agortu gabe. Etorkizunean, litekeena da elektrodo horiek potentzia handiko baterietan txertatzea eta ordenagailu eramangarrietan nahiz ibilgailu hibrido elektrikoetan erabili ahal izatea.

Irudia: Yun Jung Lee eta Dong Soo Yun

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia