Elhuyar zientziaren komunikazioa

Begietara begiratzen duen kutxazain automatikoa

1999/06/01 Elhuyar Zientzia Iturria: Elhuyar aldizkaria

Estatu Batuetako Texas estatuko banketxe batek, dirua eman aurretik, bezeroen begiak ezagutzeko gai den kutxazain automatikoen sistema jarri du abian. Beraz, sistema horren erabiltzaileek, beren eragiketak egiteko, ez dute koderik ikasi beharrik edo txartelak erabili beharrik izango, makina berriak bezeroen eskuineko begia ezagutzeko gai baitira.

Banketxeko bezeroek eskuineko begiaren argazkia atera behar dute banketxean. Irudia ordenadorean gordetzen da. Bezeroa eragiketak egitera kutxazain automatikoetara hurbiltzen denean, makinak bezeroaren eskuineko begia berak gordeta duen irudiarekin alderatzen du. Irudiak berdinak badira, makinak utzi egingo dio eragiketa egiten; bestela ez. Gezurra badirudi ere, begietako irisak, beren lerro eta koloreekin, hatz-markak baino bereizgarriagoak dira; izan ere, irisak makinak ezagutu ditzakeen 226 ezaugarri ditu, eta hatz-markak 35 besterik ez.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia