Bilatzailea
Bi ikertzaile ibis ermitauen (Geronticus eremita) saldo bat gidatzen ari dira Jaengo soro eta olibondo-sailetan zehar. Alemaniako hego-ekialdetik Espainiako hego-mendebalderako 50 eguneko migrazio-bidaia amaitzen ari dira.
Waldrappteam kontserbazio-taldean, Europan ibis ermitauak berriro sartzeko helburuz ari dira lanean. Hegaztiak eskuz hazten dituzte, eta lotura estua sortzen da hegaztien eta zaintzaileen artean. Hala, hegaztiek pozik jarraitzen diete beren harrera-gurasoei, eta haiek gidatzen dituzte migrazioan.
Talde horretako kidea da Gunnar Hartmann, Koblenzeko Unibertsitateko (Alemania) ikaslea, eta haren lana zen ibilbidearen planifikazioan laguntzea eta argazki bidez bidaia dokumentatzea. Argazki honekin irabazi du Nature aldizkariak antolatzen duen Scientist at Work argazki-lehiaketaren 2026ko edizioa.
