Elhuyar zientziaren komunikazioa

Zebra-itxurako marrak, intsektuekiko babes

2019/10/15 Galarraga Aiestaran, Ana - Elhuyar Zientzia Iturria: Elhuyar aldizkaria

zebra-itxurako-marrak-intsektuekiko-babes
Zebra-itxurako larruazalak intsektuak uxatzen dituela frogatu dute. Arg. Kojima T. et al.

Ikertzaileek zenbait hipotesi proposatu izan dute zebren marren funtzioa azaltzeko. Besteak beste, kamuflatzeko, beroari aurre egiteko eta intsektuak uxatzeko balio dutela iradoki dute. Orain, behiekin egindako ikerketa batean, frogatu dute zebra-itxura izatea eraginkorra dela intsektuen ziztadak saihesteko.

Japonian egin dute ikerketa, hiru behi-talderekin: behi zuriak marra beltzez margotuta; behi beltzak marra beltzekin, eta behi beltzak marrarik gabe. Horrela, margoak izan dezakeen eragina baztertu dute.

Ikertzaileek baieztatu dute zebren itxuran margotutako behiek gainerako bi taldetakoek baino askoz ere ziztada gutxiago jaso dituztela. Mandeuli gutxiago jarri zaizkie gainean (% 50 gutxiago), eta ez dute besteek adina mugimendu egin behar izan intsektuak uxatzeko.  Horrek ere lasaiago egoten lagundu die.

Emaitzak aintzat hartuta, ikertzaileek iradoki dute behiak marraz margotzea intsektizidak ordezkatzeko metodo egokia izan daitekeela.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia