Elhuyar zientziaren komunikazioa

Zauriak azkarrago sendatzeko tirita

2003/04/01 Elhuyar Zientzia Iturria: Elhuyar aldizkaria

AEBetan, zauriak sendatzeko prozesu naturalean oinarritzen den tirita berezi bat asmatu dute. Berez, zauri bat egin ondoren, odolean dagoen fibrinogeno proteinak fibrinazko sare bat osatzen du. Sare horrek odol-jarioa gelditu eta zauria infekzioetatik babesten du.

Tirita berriak giza edo behi-odoletik erauzitako fibrinogenoa du. Fibrinogenoa tirita batean jarri ahal izateko, aurrena odoletik erauzi behar dute. Gero, elektrikoki kargatutako xiringa batetik pasarazi eta solbentea lurruntzen dute. Horrela, fibrinogeno-molekulak elkartu egiten dira, eta odolean duten itxura hartzen dute. Horiekin sare bat osatu eta gaza batean jartzen dituzte.

Gaza edo tirita horiek arruntek baino askoz azkarrago gelditzen dute odol-jarioa, eta sortzen ari diren zelulentzako euskarri moduan balio dute. Hurrengo pausoa kaltetutako ehunak osatzeko egitura biodegradagarriak egitea da, eta, fibrinogenoaz gain, sendatzeko prozesuan laguntzen duten beste molekula batzuk ere erabili nahi dituzte.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia