Tabakogileen auzia

Estatu Batuetan tabakogintzan diharduten Philip Morris eta R. J. Reinolds Tobacco Company etxeek auzitara jo dute Ingurugiroaren Babeserako Agentziaren (EPA-ren) kontra. Erretzaile ez direnen biriketako minbizian erretzaileen keak duen erantzukizunaz ez daude ados. Erretzaile pasiboek arnastutako keak osasunean duen eraginaz eman diren datuak, EPA-k inoiz aurkeztutako faltsuenak direla diote.