Elhuyar zientziaren komunikazioa

Lurreko bakteriorik handiena

1993/06/01 Elhuyar Zientzia Iturria: Elhuyar aldizkaria

Australiako James Cook unibertsitateko eta EEBB-etako Indianako zientzilari batzuek Lurreko bakteriorik handiena aztertu dute. Bakterio hori Fishelson ikerlari israeldarrak 1985. urtean aurkitu zuen, baina garai hartan ez zen pentsatzen hura bakterioa zenik.

Bakterioa Australiako Koralezko Hesi Handian dagoen arrain tropikal baten hestean bizi da. Arrainari ez dio kalterik egiten eta ezin da berarengandik kanpo bizi.

Bere izena "Epulopiscium fishelsoni" da eta "Escherichia coli" baino milioi bat aldiz handiagoa. Aurkitu berritan, alga edo ameba bezalako zelulabakarreko organismotzat hartu zen. Ondoren egindako analisien bidez, sailkapen zehatzagoa lortu da. Bakterioak prokariotoak dira, hau da, zelula bakar eta kromosoma bakarrekoak, baina beste organismo bizi guztiak eukariotoak dira, hau da, zelulek konplexutasun handiagoa dute eta kromosomak gune baten inguruan bilduta daude.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia