Elhuyar zientziaren komunikazioa

Dickinsonia animalia zaharrenetakoa dela baieztatu dute

2018/09/20 Galarraga Aiestaran, Ana - Elhuyar Zientzia Iturria: Elhuyar aldizkaria

idickinsoniai-animalia-zaharrenetakoa-dela-baiezta
Itsaso Zurian (Errusia) aurkitutako Dickinsonia bat Arg. Ilya Brobovskiy/Australiako Unibertsitatea

Zientzialariek orain arte ez dute garbi izan zer eratako biziduna zen Dickinsonia. Ediacara periodoko fosil obalatu batzuei deitzen zaie horrela, eta onddotzat edo protistatzat hartu izan dituzte. Orain, ordea, fosilen berariazko biomarkatzaile batzuk aztertuta, animaliak zirela ondorioztatu dute.

Adibidez, ikertzaileek nabarmendu dute Dickinsonia fosiletan askoz ere molekula kolesteroide gehiago topatu dituztela (% 93 baino gehiago), inguruko jalkin mikrobianoetan baino (% 11). Horrez gain, ez dute ergosteroiderik topatu; molekula horiek onddoen ezaugarritzat hartzen dira.

Ediacarakoak erregistro fosilean aurkitu diren bizidun zaharrenak dira eta duela 575-541 milioi urte bizi izan ziren. Science aldizkarian argitaratu dute Dickinsonia fosilei buruzko ikerketa.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia