Hobe arroz barietateak nahastea

Nekazaritza modernoaren garai hauetan, nekazaritza tradizionala zaharkitu eta ez-eraginkor gisa ikusten da sarritan. Hala ere, Oregon State University-ko eta Txinako ikerlari-talde batek Filipinetako ehunka nekazarik bi urtez arroz barietateak nahasian ereitea lortu du eta emaitza ikusgarria izan da: barietate bakarreko soroekin alderatuta,%94 landare gutxiago zegoen onddoak jota eta uzta % 89 handiagoa izan zen. Barietateak nahasian ekoizteak ez omen ditu gaitzen arazo guztiak konponduko edota urtetik urtera uzta beretsuak lortuko, baina emaitzak ikusita kontuan hartu beharreko teknika dela diote ikerlariek.