Elhuyar zientziaren komunikazioa

Fields domina

1986/12/01 Elhuyar Zientzia Iturria: Elhuyar aldizkaria

1936.ean eman zen lehen aldiz "Matematika-Nobela" esan ohi zaion Feilds domina. Sari hau John Charles Fields matematikari kanadarraren eskutik sortu zen Alfred Nobel-ek bere sari famatuen artean Matematikari lekurik eman ez ziolako. Batzuk diotenez, Mittag-Leffler matematikari suediarrak saria lor ez zezan utzi zuen Nobel-ek Matematika kanpoan, baina badirudi azalpen hau ez dela oso sinesgarria.

Fields dominak, dirutan eskasa izateaz gain, badu beste diferentzia handi bat Nobel-ekin: berrogei urtetik beherako matematikarientzat bakarrik da, arau hau idatzia egon ez arren. Lau urtetik lau urtera biltzen den Nazioarteko Matematikarien Kongresuak ematen ditu sariok; hasieran, bi ekitaldi bakoitzean, eta orain lau gehienez. Irabazle suertatu direnen artean izen ezagunak daude: Paul Cohen, Laurent Schwartz, René Thom, etab.

Joan den Abuztuan Berkeley-n (AEB) ospatu da XX. Kongresua eta bertan banatu dira azken hiru dominak. Hirurak Topologia eta Geometria Algebraikoan lan egiten duten matematikariei eman zaizkie: Gerd Faltings germaniarrak Mordell-en konjektura frogatu du, horrekin Fermat-en azken teorema hurbilago utziz; Simon K. Donaldson britainiarra eta Michael H. Freedman iparrameriketarra lau dimentsioko barietateen estudioan nabarmendu dira, leheneak barietate exotikoak daudela erakutsiz eta bigarrenak (beste gauza batzuren artean) Poincaré-ren konjektura lau dimentsiotan frogatuz.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia