Eguzki-sistemako objekturik handiena
1992/04/01 Elhuyar Zientzia Iturria: Elhuyar aldizkaria

EE.BB.etan Bostongo unibertsitateko astronomoek Eguzki-sistemako objekturik handiena izan daitekeenari argazkia atera diote. Sodio-atomozko lainoa da aipatu objektua eta 72 milioi kilometroko diametroa du, hau da, eguzkia baino 50 aldiz handiagoa. Objektu honek Jupiter inguratzen du eta duen arintasunaz jabetzeko honakoa esan daiteke: objektua konprimatuz gero, piszina batean kabituko litzatekeela.
Laino honen osagaia, Jupiterren ilargietakoa den Io-ko sumendietatik igorritako sodioak osatzen du. Jupiterrek duen eremu magnetiko ahaltsuak, planeten arteko espaziorantz bidaltzen ditu ezpurutasunak 280.000 kilometro orduko abiaduraz.

eu es fr en ca gl
Gai honi buruzko eduki gehiago
Elhuyarrek garatutako teknologia