Elhuyar zientziaren komunikazioa

CRISPR bidez aktibatzen den hidrogel adimendun bat sortu dute

2019/08/26 Galarraga Aiestaran, Ana - Elhuyar Zientzia Iturria: Elhuyar aldizkaria

crispr-bidez-aktibatzen-den-hidrogel-adimentsu-bat
CRISPR bidez aktibatzen den material adimentsu bat sortu dute. Arg. MIT

Seinale biologikoei erantzuteko gai diren material adimentsuek aplikazio oso interesgarriak dituzte biomedikuntzan. DNA-sekuentziak barneratuta dituzten materialak bereziki erabilgarritzat jo izan dira, baina, halakoak garatzean zailtasun handiak izan dituzte, programatzeko oso zailak direlako.

Zailtasun hori gainditzeko, CRISPR metodoa baliatu dute Massachussets Teknologia Institutuko ikertzaileek (MIT). Hain zuzen, urez betetako polimeroak sortu dituzte, DNA-katez elkarri lotuta. Material horren ezaugarriak aldatzeko, CRISPR-Cas12a probatu dute, hau da, Cas12a entzima erabili dute, RNAz gidatuta, nahi zuten DNA-sekuentzia ezagutzeko eta mozteko. Horri esker, zehatz kontrola dezakete DNAn eragin nahi duten aldaketa, eta horrek sortzen dituen ondorioak, adibidez, itxura aldatzea edo desegitea.

Ikertzaileen arabera, material horrek aplikazio medikoak izan ditzake, adibidez, diagnostikoak egiteko (ebolarekin probatu dute), edo terapian, botikak modu adimentsuan askatuz (minbizian edo infekzioetan). Science aldizkarian argitaratu dute ikerketa.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia