Estatu Batuetako Oak Ridge Laborategi Nazionalean europio atomoa giro-tenperaturan isolatzea lortu dute. Atomo isolatuak harrapatzeko oso-oso tenperatura baxuetan lan egin beharra zegoen edo, bestela, masa-espektrometro oso zehatzen bidez gas-egoeran zeudela isolatu.
Oak Ridge-n europio atomoa harrapatzeko nanokristalez osatutako kutxatxoak erabili dituzte. Saiakuntza giro-tenperaturan egin da eta atomoa ohiko mikroskopioekin azter daiteke. Bestalde, kutxan harrapatutako atomoak propietate optiko interesgarriak dituela eta nanoteknologian erabilgarria izan daitekeela ere behatu dute.
Elhuyar Zientzia
