Argi koherentea lortu dute gatzetik

Argi koherentea sortzeko modu berri bat aurkitu dute Estatu Batuetako Livermore laborategian: sukaldeko gatz arrunta talka-uhinekin bonbardatuta lortu dute fisikariek. Argi koherenteak fasean ditu uhin guztiak; horrela, ez da gertatzen uhinen arteko interferentzia negatiborik, eta, interferentzia guztiak positiboak direnez, intentsitate handia du argi horrek. Orain arte, laserra zen ezagutzen zen argi koherente bakarra, baina fisikari horiek frogatu dute beste modu bat, behintzat, badagoela argi-mota hori sortzeko.