Nanolore mineralak egiteko errezeta

Irudietako loreak ikusteko, mikroskopio elektroniko bat behar da, nanoskopikoak baitira. Wim L. Noorduinek sortu ditu, Harvard Unibertsitateko laborategi batean, eta, horretarako, elementu arrunt batzuk baino ez ditu behar izan: metalezko edo kristalezko euskarri ñimiño bat, matraze bat, gatza, silizioa eta karbono dioxidoa. Hori ez da guztia, ordea: egilearen arabera, denbora eta tenperatura (eta nahastearen pHa) kontrolatzean dago koska. Ia sukaldeko errezeta batean bezala, alegia.