Sahara munduko basamorturik handiena da. 5.000 kilometro luze da, Ozeano Atlantikotik Itsaso Gorriraino, eta 9 milioi kilometro koadro baino gehiago ditu luze-zabalean. Bertan 600.000 lagun bizi dira, eta haiekin batera, bizikideak diren beste hainbat animalia.
Argazkiak eta testuan Inhar D. Lopez Garcia.
Argazkiek Copyright lizentzia dute.
Gekoaren (Stenodactylus petrii) begi-nini bertikalak izugarri dilatatzen dira gauez, argi-partikularik txikiena ere hartuz. Horrek gaueko ehiztari beldurgarri bihurtzen du. Bere begiak gureak baino 350 aldiz sentikorragoak dira.
Kale eta etxeetako argiek intsektuak erakartzen dituzte, eta aukera mundiala sortzen dute gekoendako. Giza jarduerak janari erraza esan nahi duela ikasi dute, ehiza ohiturak aldatuz.
Isats lodia ezkata arantzatsu gogorrez estalia du Uromastyxak (Ornate Uromastyx), eta defentsarako arma gisa erabiltzen du. Mehatxatuta sentitzean, bizkarrez bere gordelekuan sartu eta sarrera blokeatzeko erabiltzen du.
Hareetako arrainak (Scincus scincus) ezkata lauak eta distiratsuak ditu, eta horrek hare-aleekiko marruskadura murrizten du. Sudur-hobiak eta belarriak ixten ditu lurperatzean, harea gorputzean sar ez dakion.
Bibroneko agama (Agama bibronii) goizean, ilun egoten da, beroa azkar xurgatzeko. Eguerdian, grisaxka bihurtzen da, eguzkia islatzeko. Ar dominanteek kolore urdinak erakusten dituzte eztarrian.
Gainera, kolorea pixka bat aldatu dezake atseden hartzen ari den arrokarekin bat egiteko. Ez da kameleoi batena bezain kamuflaje azkarra, baina eraginkorra da.
Bilatzailea
