Giza eboluzioa genero-ikuspegitik

Ikerketek eta aurrerapen teknologikoek erakutsi dute egiazkotzat eman diren hainbat uste, horixe direla, usteak, eta ez direla izan ebidentzietan oinarrituak. Antzeko zerbait gertatu da giza eboluzioa azaltzeko orduan. Urte luzez egin den errelatoak ikuspegi androzentrikoa izan du eta gizonen begirada gailendu da. Kontakizun hori eguneratzeko eta berdinagoa egiteko hainbat ekimen jarri dira martxan, tartean “Eboluzioa genero-ikuspegitik” erakusketa. UPV/EHUko hainbat ikertzaileren eskutik, Teknopolisek, historian zehar emakumeek jasan izan duten alborapena mahaigaineratuko du.