Euskal teknologia Marten

Zientzialarien arabera Marte laborategi ezin hobea da bizitzaren jatorria ulertzeko; horregatik, zundak bidaltzeko teknologiarik aurreratuenaren alde egin dute. Teknologia horien diseinuan eta garapenean zerikusi handia du AVS euskal enpresak. Urteak daramatza espaziorako gailuak garatzen, eta, une honetan, Marten dagoen Perseverance roverrak lortutako laginak ekartzeko misioa prestatzen dabil.