Sodioa, ohiko baterien etorkizuna akaso

CIC energiGUNEko Jon Ajuria Arregi ikertzailearekin izan gara, sodio ioizko baterien ikerketa-lerroaren buruarekin. Bateria horiek litiozko baterien ordezkoak izan litezke aurrerantzean. Litio ordezkatzea oso garrantzitsua da, sodioa itsasotik erauzita, litio-iturrien arazo geopolitikoa baretuko litzatekeelako. Oraindik ez da findu sodioa itsasotik erauzteko metodo komertziala, baina itxaropena dago bide horretan. Nolanahi ere, Txinak gaur egun kalean, ibilgailuetan, erabiltzen ditu sodio-bateriak, eta batez ere, oso aproposak izango dira instalazio handietan elektrizitatea metatzeko.