Zurrunbilo magnetikoak Eguzkian

(Argazkia: NASA)

Astronomoek aurkitu dute Eguzkiaren eremu magnetikoa izugarri zurrunbilotsua eta dinamikoa dela, uste zuten baino askoz gehiago. Zurrunbilo magnetikoek fenomeno asko abiarazten dituzte; litekeena da besteak beste eguzki-haizearen sortzaile izatea, eta, ustez, Eguzkiaren azalean gertatzen diren leherketen jatorria ere badira. Hala ere, hori guztia baieztatu gabe dago. Oraingoz, zurrunbilo magnetikoak ikusi dituzte, nazioarteko Hinode zundak egin dituen argazkien bitartez.