Elhuyar zientziaren komunikazioa

Zaborraren erdian altxorra

1995/11/01 Elhuyar Zientzia Iturria: Elhuyar aldizkaria

Nekazaritzako prozesuetan sortzen diren poluitzaileei irtenbide berria aurkitu zaie. Londresko Imperial College erakundeko biologoek iragarri dutenez, genetikoki manipulatutako bakterioen eraginpean, hondakin horiek etanol bihur daitezke. Orain arte etanolaren ekoizpen industriala albora utzi izan da, prozesua garestia eta geldoa zelako oso. Erakunde horretan erabiltzen ari diren teknika berriek ordea, merkatu eta azkartu egin dute etanolaren ekoizpen-prozesua.

Londresko Imperial College erakundeko biologoek iragarri dutenez, genetikoki manipulatutako bakterioen eraginpean, nekazaritzako hondakinak etanol bihur daitezke.

Funtsean, genetikoki manipulatutako bacillus strearothermophilus bakterioaren erabilpenean datza aurkikuntza berria. Bakterio horrek azukre-mota zehatz batzuengan duen eragina oso azkarra da. Orain arte erabilitako prozesu biologikoek huts egin duten urratsean, manipulatutako bakterio berriak bete-betean asmatzen du. Prozesu berria gainera, merkea da, Britainia Haundian neurririk gabe metatzen den lehengaia baino ez duelako behar, hots, nekazaritzako produkzioan sortzen diren hondakinak.

Azken berrien arabera bestalde, Japoniako Mitsubishi enpresan gas karbonikoa etanol bihurtzeko sistema berria aztertzen ari dira. Alga berezi bat erabiliz, gas karbonikoa amidoi bihurtzen dela baieztatu da jadanik eta baldintza egokitan horrek etanola sortuko duela espero dute. Bide horrek arrakastarik lortzen badu, erregaien belaunaldi berria martxan izango dela iragarri dute.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia