SDC zerbitzu dokumentalak eskaini nahian

Enpresa hau euskarri tradizionaletan (dokumentu, liburu, aldizkari edo egunkarietan) nahiz euskarri magnetikotan (testu, irudi, soinu edo bideo datu-baseetan) jasotako informazioaren gestiorako erreminten garapenaz arduratuko da.

Kontsulta- eta aholkularitza-lanak, informazioaren sorkuntza, modernizazio eta mantenimendurako metodoen hobekuntza eta teknologia berrien garapena eta aplikazioa dira SDCren beste helburuetako batzuk.

Enpresa honek burutu duen merkatu-ikerketaren arabera, informatika dokumentalaren eskaerak % 40 igo daitezke urte honetatik aurrera.

Zerbitzu dokumentaletarako enpresa honek arlo desberdinak hartuko ditu: administrazio publikoa, prentsa, agentziak, argitaletxeak, banketxeak eta aseguru-etxeak.