}

SDC zerbitzu dokumentalak eskaini nahian

1991/12/01 Elhuyar Zientzia Iturria: Elhuyar aldizkaria

Datozen urteetan informatika dokumentalak hazkunde nabarmena izango duela espero da eta arlo honetan sortzen diren eskaerei erantzun nahian sortu du Centrisak SDC zerbitzu dokumentaletarako enpresa.

Enpresa hau euskarri tradizionaletan (dokumentu, liburu, aldizkari edo egunkarietan) nahiz euskarri magnetikotan (testu, irudi, soinu edo bideo datu-baseetan) jasotako informazioaren gestiorako erreminten garapenaz arduratuko da.

Kontsulta- eta aholkularitza-lanak, informazioaren sorkuntza, modernizazio eta mantenimendurako metodoen hobekuntza eta teknologia berrien garapena eta aplikazioa dira SDCren beste helburuetako batzuk.

Enpresa honek burutu duen merkatu-ikerketaren arabera, informatika dokumentalaren eskaerak % 40 igo daitezke urte honetatik aurrera.

Zerbitzu dokumentaletarako enpresa honek arlo desberdinak hartuko ditu: administrazio publikoa, prentsa, agentziak, argitaletxeak, banketxeak eta aseguru-etxeak.

Gai honi buruzko eduki gehiago

Elhuyarrek garatutako teknologia