Elhuyar zientziaren komunikazioa

Parkinson gaixotasunak jotakoen itxaropena

1995/03/01 Elhuyar Zientzia Iturria: Elhuyar aldizkaria

Parkinson gaixotasunaren inguruko ikerketak urrats garrantzitsua eman du aurrerantz. Kaliforniako ikerlari-talde batek dioenez, garunean txertatutako nerbio-zelulak bizirik irauteko era aurkitu du. Fetoen nerbio-zelulak txertatzeak Parkinson-sintomak txikiago ditzakete, baina era honetan txertaturiko zelula gehienak hil egiten dira.

San Diego-n dagoen Kaliforniako unibertsitateko Fred Gage-k zuzendutako ikerlari-talde batek arratoien fetoetatik nerbio-zelulak kendu eta arratoien garunetan txertatu ditu. Aldi berean, injinerutza genetikoaren bidez tratatutako azal-zelulak txertatu zituzten, hauek produzitutako osagai kimikoek nerbio-zelulei gainditzeko aukerak ematen dizkiotelarik.

Metodo honen bidez bizirik irautea lortzen duen neurona-kopurua zortzi eta hamar aldiz handiagoa da. Dena den, jendearekin saiakuntzak egiten hasi aurretik animalia gehiagorekin egin beharko dira.

Parkinson-a “substantzia nigra” deituriko garunaren zatiko nerbio-zelulak hiltzeagatik sortzen da. Zelula hauek nerbio-sistemako beste zelula batzuekin dopamina izeneko substantzia baten bidez erlazionatzen dira. Zelulak hil ahala, dopamina-maila txikiagotu egiten da eta ondorioz, muskuluak aholdu eta zurrundu egiten dira. Orain arte dagoen tratamendurik arrakastatsuena L-dopa izeneko botika da.

Azken urteotan, Parkinson-a tratatzeko medikuek dopamina produzitzen duten nerbio zelulak gaixoaren garunera sartu izan dute. Nerbio-zelulak abortatutako fetuetatik atera izan dira, baina teknika horrek oso arrakasta eskasa izan du, txertatutako zeluletatik % 98 hil egiten baita. Orain arte 200 gaixotik gora tratatu dira eta hauetatik, % 10ek bakarrik izan dute hobakuntzaren bat. Txertaketa bakoitzeko, bestalde, zazpi fetu behar izaten dira.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia