Oxigenatutako gasolina

Etorkizunerako irtenbide egokia izan liteke. Gasolinek sorrarazten duten poluzioa gutxiagotu egingo du "oxigenatutako gasolina" izenaz ezagutzen den erregai berriak. Aurki iritsiko omen da gure artera, baina jadanik laborategi-fasea gainditu du EEBBetan eta Finlandian.

Gasolinaren osagaiak aldatzean datza erregai berriaren ekarpena. Oxigenatutako konposatu horiek substantzia poluitzaileak ordezkatu dituzten kasuetan, karbono monoxidoaren emisioak %25 gutxiagotu ziren, hidrokarburuena %10 eta bentzenoarena %30. Oxigenatutako gasolina berria erabiltzeko bestalde, ez da aldaketa handiegirik egin beharko gure ibilgailuetan. Bere salneurria halaber, gaur egungo gasolinen parean egongo dela aurrikusi da.