}

Nanopartikulak gorputzaren barrukoa ikusteko

2009/06/01 Elhuyar Zientzia Iturria: Elhuyar aldizkaria

Nanopartikulak gorputzaren barrukoa ikusteko
2009/06/01 | Elhuyar

Organismo bizi baten odol-fluxua hiru dimentsiotan eta denbora errealean irudikatzea lortu dute partikula magnetikoen bidezko irudigintza erabilita. Hamburgeko Royal Philipseko ikertzaileek burdin oxidozko nanopartikulak injektatu zituzten 18 saguren odolean, eta erresonantzia magnetiko bidezko irudigintzaren teknikaren antzeko bat erabili zuten irudiak lortzeko. Erresonantzia magnetikoen bidezko irudiak ez dira egokiak ehun bigunak eta fluidoak ikusteko, baina burdin oxidozko partikulak oso ondo ikusten dira gorputzean. Teknologia berria giza gorputzean erabiltzeko egokitzen bada, bihotzeko gaixotasunak eta minbizia diagnostikatzen lagundu dezake, eta baita gorputzak tratamenduei nola erantzuten dien monitorizatzen ere.

1
254
2009
6
002
Nanoteknologia; Fisika
Albisteak
6

Gai honi buruzko eduki gehiago

Elhuyarrek garatutako teknologia