Bilatzailea
Mexikoko tropikoan basabizitza kolorez beteta dago. Hegaztiek harro erakusten dituzte haien lumajeak lore koloretsuekin nahasiz.
Argazkiak eta testuak Inhar D. Lopez Garciarenak dira.
Argazkiek Copyright lizentzia dute.
Suaren senidea
Pyrocephalus rubinus arraren lumaje gorri eskarlata ez da kamuflatzeko, guztiz kontrakoa baizik. Seinale bisual distiratsua da emeak erakartzeko eta beren lurraldea beste arren aurrean defendatzeko. Emeak, berriz, grisak eta marroiak dira.
Mikroehiztaria
Hegan egiten duen ehizaren maisua da. Leku ireki batetik, behatu eta hegaldi labur eta azkarrak egiten ditu, intsektuak airean harrapatzeko (euliak, erleak eta tximeletak, adibidez) zehaztasun miresgarriz.
Gala uniformea
Agelaius phoeniceus "zozo hegalgorri" arraren eztei-lumajea nahastezina da: beltz distiratsua, arbeltxa bezalakoa, sorbalda deigarriekin edo gorri-gorri biziko txarratelekin. Emea, kriptikoa, marroi iluna da, ildaskekin, txolarre handi baten antzekoa.
Paduretan, zingiretan eta zelai hezeetan etengabe agertzen da. Arrak ihi eta zuhaixken gainean pausatzen dira; zentinela gisa jokatzen dute, eta alarma-dei bereizgarri bat igortzen dute.
Alarma
Paduretan, zingiretan eta zelai hezeetan etengabe agertzen da. Arrak ihi eta zuhaixken gainean pausatzen dira; zentinela gisa jokatzen dute, eta alarma-dei bereizgarri bat igortzen dute.
Erle edo txori?
Kolibriek loreekin duen harremana hain da estua, non mokoaren forma eta kolorea loreenarekin batera eboluzionatu baita, ezin hobeto egokitzeko. Amerikan milaka landarek dituzten funtsezko polinizatzaileak dira.
Gosetiak
Animalien erreinuko metabolismorik azkarrena dute. Bihotzak minutuko 1.200 taupada ere egin ditzake, eta egunero ehunka loreren nektarra janez elikatu behar izaten dute, goseak jota lozorroan ez sartzeko.
Atzerantz eta alboetarantz hegan egiteko eta puntu finko batean flotatzen egoteko gai diren hegazti bakarrak dira. Balentria hori hegaldi-sistema berdingabe bati esker egin dezakete, hegoak biribil oso batean biratzeko aukera ematen baitie.
