Elhuyar zientziaren komunikazioa

Koipe likidoak solidotzeko sistema

2003/04/01 Elhuyar Zientzia Iturria: Elhuyar aldizkaria

Inolako aldaketa kimikorik egin gabe, koipe likidoak solidotzeko sistema bat asmatu dute Indiako Zientziaren Institutuan. Landare-olioei 10-31 karbono-atomo dituen edozein gantz-azido ase 1/5 proportzioan nahasiz gero, koipe likidoa gelifikatu eta solidotu egiten dela frogatu dute.

Sistema horrek aplikazio interesgarriak ditu, esaterako, elikagai-industrian, kosmetikan edo erregai likidoen isuriak garbitzeko. Gaur egun, landare-olioak solidotzeko hidrogenazioa erabiltzen da elikagai-industrian eta horrela lortzen dira, adibidez, margarinak eta gaztaren antzeko produktu batzuk. Hidrogenazioa, ordea, garestia da, eta, gantz-azido aseen proportzioa asko handitzen denez, produktu horiek ez dira jatorrizko landare-olioak bezain osasungarriak.

Sistema berriarekin gantz-azidoak asetzea saihesten da. Halaber, petrolioa, gasolioa, diesela, kerosenoa eta beste erregai batzuk solidotzeko ere balio du. Erregaiari gantz-azido horiek nahasita, isuria gelditzeko eta isuritakoa erraz garbitzeko aukera dago.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia