Hawaii-ko Unibertsitateko astronomoek beste 11 satelite aurkitu dituzte Jupiterren inguruan biraka. Aurkitu berri diren sateliteak urrun daude, oso orbita eszentrikoak dituzte eta Jupiterren errotazioaren kontrako noranzkoan biratzen dute. Ustez, Jupiterren grabitazio-indarrek puskatutako gorputz baten zatiak dira. 18 hilabetetan Jupiterren satelite-kopurua bikoiztu egin da. 2001ean 11 aurkitu ziren eta 2002an beste hainbeste. Guztira 39 satelite dauzka orain gasezko erraldoiak.
Elhuyar Zientzia
