Itsasoko mikroorganismoen DNA-sekuentziak aztertu dituzte

Azken hogeita bost urteetan, Ozeano Barean, mikroorganismo-talde handien DNA sailkatzen ibili dira HOT programaren barruan. Azken urteetan garatu diren DNA aztertzeko teknikei esker, 64 milioi DNA-pare sekuentziatu dituzte, hainbat itsas sakoneratan. Horrela, sakonera bakoitzean mikroorganismoek dituzten berezitasun genetikoak aztertu dituzte. Berezitasun horiek garrantzitsuak dira, mikroorganismoek itsasoko eta biosferako zikloetan zer lan egiten duten jakiteko balio dutelako.