Genoma Ikertzeko Estatu Batuetako Institutuak giza gorputzean bizi diren mikroorganismo guztien genomak deskodetu nahi ditu, Stanford Unibertsitatearekin batera. Lehenengo fasean, hesteetan, ahoan eta baginan bizi direnak aztertuko dituzte, bostehun bat barrunbe bakoitzean, eta, gero, belarrietara, sudurrera eta urdailera pasako dira.
Ikertzaileen esanean, mikroorganismo horiek gizakiontzat oso garrantzitsuak izan arren, ez dute haien informazio askorik, besteak beste, asko eta asko ez direlako laborategian hazten. Baina orain, DNA sekuentziatzeko makinei esker, zuzenean pasako dituzte barrunbeetatik makinetara.
Elhuyar Zientzia
