Elhuyar zientziaren komunikazioa

Gizakiak eboluzioan galdutako muskuluak enbrioietan ikusi dituzte

2019/10/01 Etxebeste Aduriz, Egoitz - Elhuyar Zientzia Iturria: Elhuyar aldizkaria

gizakiak-eboluzioan-galdutako-muskuluak-enbrioieta
Hamar asteko fetu baten eskua. Arg. Rui Diogo, Natalia Siomava and Yorick Gitton

Beste ugaztun batzuek bai, baina pertsonok ez ditugun muskulu batzuk giza enbrioietan garatu eta gero desagertu egiten direla aurkitu dute. Aurkikuntza horrek gorputz-adarren eboluzioa hobeto ezagutzen lagunduko du, baita gorputz-adarretako anomalia edo malformazio arraro batzuk ulertzen ere. Development aldizkarian argitaratu dute lana.

Enbrioien garapenean eboluzioaren arrasto ugari aurki daitezke. Esaterako, izurde eta baleen enbrioiak atzeko gorputz-adarrak garatzen hasi eta gero atzera egiten dute, eta giza enbrioietan isats bestigial bat garatzen da, azkenean kokzix gisa gelditzen zaiguna. Era berean, iradoki izan da bestelako bestigioak ere egon zitezkeela enbrioien anatomian, besteak beste, muskuluetan.

Baina ez da erraza halako egiturak ikustea. Orain, kalitate handiko 3D irudiak erabiliz, inoizko erresoluzio handienarekin, aztertu dituzte giza enbrioi eta fetuen gorputz-adarretako muskuluak. Eta hainbat muskulu bestigial aurkitu dituzte, beste ugaztun batzuek badituztenak, baina pertsonetan normalean ez daudenak. Enbrioietatik hasi eta hamaika asteko fetuetan ere aurkitu dituzte halako muskuluak.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia