Gero eta transgeniko gehiago Europan

Azkeneko urtean % 77 egin du gora Europan landatzen diren labore transgenikoen azalerak, BBCko albiste baten arabera. Arto-barietate transgeniko jakin bat ugaritu da gehien --kakalardo arto-zulatzailearekiko erresistentea-- . Mila kilometro karratutan hazi dute. Hain zuzen, Frantzian hirukoiztu egin da azkeneko urtean landatzen den arto transgenikoaren azalera, eta Alemanian eta Txekiar Errepublikan ere handitzen ari da. Dena den, ez da oso azalera handia, Europan laborantzarako erabiltzen den azalera osoarekin alderatuta.