Genetika arrantza-iruzurraren kontra

Espainiako Ikerketa Zientifikoetarako Kontseilu Goreneko ikerlari-talde batek arrain-saltzaileek iruzurrik ez egiteko teknika genetikoa garatu du. Itsas gaietan adituak diren biologoek 12 urtez arrainen kromosomak aztertu dituzte; ondorioz, gaur egun arrainen ehunen azterketa genetikoa egiteko gai dira. Azterketa genetikoaren arabera, erosleak jakin dezake erosten duena benetan iragartzen den produktua dela eta ez beste bat. Ikerketa atun-kontserben inguruan sortu ziren iruzur-zurrumurruengatik sortu zen, atuna ordaindu eta beste zerbait jasotzen zela zabaldu baitzen.