Elhuyar zientziaren komunikazioa

Gene bera hizketarako eta ekolokaziorako

2007/09/20 Rementeria Argote, Nagore - Elhuyar Zientziaren Komunikazioa

Dirudienez, gizakiak hitz egiteko beharrezkoa duen genea lotuta dago saguzar batzuen ekolokazioarekin, hau da, inguruko objektuak hautemateko eta ehizarako erabiltzen dituzten maiztasun handiko soinuak igortzeko gaitasunarekin. Genea FOXP2 da, eta adituek uste dute ugaztunen soinu bidezko komunikazioaren eboluzioan ezinbesteko lekua izan duela.

Gene horren ikerketak ez du etenik izan azken hamarkadan. Hizketa- eta hizkuntza-arazoekin lotu zuten 2001ean. 2002an, hizketarako gaitasunaren eboluzioarekin lotu zuten. Eta 2005ean ikusi zuten gene hori ez zuten saguak ez zirela gai ultrasoinu bidez komunikatzeko.

Bada, ikerketa horiek irekitako bidean, FOXP2 genea osorik sekuentziatu dute 13 saguzar-espezietan, beste 23 ugaztunetan, bi hegaztitan eta narrasti batean. Espezie horietako bakoitzaren geneak dituen mutazioetan jarri dute arreta; eta genearen mutazio jakin batzuk ekolokazioarekin lotuta daudela ikusi dute.

Argazkia: Rhinolophus rex espezieko ferra-saguzarra (S. Rossiter).

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia