Espazioan egondako Salmonella Lurrekoa baino hilgarriagoa

Atlantis transbordadorearen azken misioan, Salmonella typhimurium bakterioa eraman dute espaziora. Lurrera itzuli diren bakterio-aleak askoz hilgarriagoak dira jatorrizkoak baino; ohiko kopuruaren herena nahikoa da laborategiko saguak hiltzeko. Zientzialarien ustez, mikrograbitatearen ondorioa da hori, egoera horretan bakterioen inguruko likidoaren jarioa Lurrean baino zailagoa baita, eta jario horri egokitu zaizkio bakterioak aldaketa molekularren bitartez. Bakterioa hilgarriagoa izatea eragin dute aldaketek.