Elhuyar zientziaren komunikazioa

Domolab, etxe domotikoa

2001/11/01 Elhuyar Zientzia Iturria: Elhuyar aldizkaria

Arabako parke teknologikoak, Miñaon, bere baitan hartu du Domolab, Ikerlanen etxe domotikoa. Eraikinak etxebizitza itxura badu ere, laborategi-funtzioa beteko du. Etxeak bi solairutan banatutako 183 metro karratu ditu, bi egongela, jangela, sukaldea, logela eta bi komunekin.

Domolab, besteak beste, telekomunikazio-sistema berriak, energia aurrezteko proiektuak eta etxetresna elektriko berriak probatzeko erabiliko dute. Hala ere, une honetan nabarmendu daitekeen proiektua erregai-pilarena da. Izan ere, Ikerlanek eta Estatu Batuetako Lawrence Berkeley laborategiak oxido solidozko erregai-pilak ikertzeko eta garatzeko akordioa sinatu dute.

Horren ondorioz, Domolab eraikinean, gas naturaletik abiatuta kilowatt 1eko potentzia sortzeko gai den erregai-pila probatzen ari dira. Hori, etxe horretako teilatuan dauden eguzki-paneletatik eta aerosorgailu txiki batetik ateratako energiarekin batera, nahikoa da etxearen elektrizitate- eta bero-beharrak asetzeko.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia