Elhuyar zientziaren komunikazioa

Botika berria parkinsonaren kontra

1997/12/01 Elhuyar Zientzia Iturria: Elhuyar aldizkaria

Parkinsonen gaixotasunak jotakoen bizi-baldintzak hobetzea eta gaitzaren hedapena geldiaraztea dira L-Dopa Ethyl Ester medikamentuaren egiteko nagusiak.

Parkinsonen gaixotasunak jotakoen bizi-baldintzak hobetzea eta gaitzaren hedapena geldiaraztea dira Hebreako Unibertsitateko ikertzaileek aurkitu berri duten botikaren egiteko nagusiak. L-Dopa Ethyl Ester, horixe da medikamentuaren izena eta oraindik laborategi-fasean dago. Gaur egun gaitz honen kontra erabiltzen den L-Dopa izeneko botikaren ordezkoa izan daitekeela uste dute ikertzaileek, honek sortzen dituen arazoak saihestuko dituena.

Parkinsonen gaixotasuna garunean dopamina-eskasia dagoenean agertzen da eta bere ezaugarri nagusiak dardara eta muskuluen zurruntasuna dira. Populazioaren % 1-2ri eragiten diola uste da. Gaur-gaurkoz, L-Dopa da dagoen tratamendu bakarra, baina bi eragozpen nabarmen ditu: batetik, ezin da zuzenean odolean injektatu eta, bestetik, lau edo bost urteko tratamendua eta gero, bere eragina desagertu egiten da. Botika berria L-Doparen eraginkortasuna agortutakoan ere erabili ahal izango da eta odolean zuzenean injektatu ahal izango da.

Gehitu iruzkin bat

Saioa hasi iruzkinak uzteko.

Saioa hasi

Erabiltzaile-izenik ez baduzu, eman izena

Pasahitza ahaztu zait

Jarraitu Zientzia.eus

Eduki gehiago

Gehitu zure bloga

Zientzia app

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Onartu
Informazio gehiago
Babesleak

Kultura eta Hizkuntza Politika Sailak (Hizkuntza Politikarako Sailburuordetzak) diruz lagundua

Eusko Jaurlaritzako Industria, Merkataritza eta Turismo Saila
Gipuzkoako Foru Aldundia